amīcus Caecilium vīsitat.
amīcus est mercātor.
mercātor vīllam intrat.
Clēmēns est in ātriō.
Clēmēns mercātōrem salūtat.
Caecilius est in tablīnō.
Caecilius pecūniam numerat.
Caecilius est argentārius.
amīcus tablīnum intrat.
Caecilius surgit.
“sālvē!” Caecilius mercātōrem salūtat.
“sālvē!” mercātor respondet.
Caecilius triclīnium intrat.
amīcus quoque intrat.
amīcus in lectō recumbit.
argentārius in lectō recumbit.
Grumiō in culinā cantat.
Grumiō pāvōnem coquit.
Coquus est laetus.
Caecilius nōn est laetus.
Caecilius cēnam exspectat.
amīcus cēnam exspectat.
Caecilius Grumiōnem vituperat.